ETF Lausanne, Bericht von Liana Jutzeler

Die Turnerinnen der Damenriege Benken nahmen am diesjährigen Eidgenössischen Turnfest in Lausanne teil. Für einen hautnahen Einblick lesen Sie folgendes Interview.

Hallo Sabi
Guetä Tag Liana. Lacht.
Wie häsch du am Samstigmorge üsi Zämäkunft am 7ni am Morge am Bahnhof Bänggä wahrgnoh?
Super. De Hammer gsi. Jaaaa, die einte Lüüt sind chli z’spat cho, aber sust, ja, ja, guet.
Und wie häsch du Zugfahrt gfunde vo Bänggä uf Lausanne?
De Hammer. Isch aber ä langi Sach gsi.
Was häsch gmacht?
Nüüt. Hihi. Gässä, zöpflet…Ja, das ischs dänn öppä gsi…
Das wo dezue ghört.
Genau.

Hallo Sarah, wie häsch du Zugfahrt vo Bänggä uf Lausanne wahrgnoh?
Tiptop.
Was häsch gmacht?
Gässä.
Hihi, all händ gässä.
Ja sust hani nöd viel meh gmacht.

Hallo Nadine, wie häsch s’ETF gfunde?
Super.
Was häsch gmacht wommer acho sind in Lausanne?
Ja, ich bin wiitergfahre. Haha.
Wohere?
Wie hät de Ort gheisse? Hihi. Beaulieu.
Und was häsch dete mössä mache?
Mir händ mössä warte, bismer chönd turne.
Und dänn? Händer üch igwärmt?
Ja, genau. Und dänn hämmer turnt
Wie hät sichs agfühlt?
D’Stimmig isch super gsi.
Was häsch turned?
Stufebarre.

Hallo Nathi, wie isch de Stufebarre gsi?
Hoi Liana. Ähm, de Stufebarre isch mega guet gsi, mir händ dörfe vor de Tribüne turne und äh, mir händ es stolzes 8.95 gmacht.
Starch.

Hallo Léanne, wie isch de Fachtest gsi?
He, de Teamspirit. Ich han ds Gfühl, d’Konditione würkli top, nöd z’heiss, nöd d^z’chalt, kei Wind. De Rase isch auno einigermasse guet begehbar gsi und mir händs äfach grockt. Jedes Team hät äfach alles geh. Und mir händ üs äfach treit. De Teamspirit hät üs atriebe.

Was hämmer füre Note becho, Sarah?
Äs 8.98.
Mir sind alli sehr happy mit dere Note. Wuhu. Dänn simmer unmittelbar zum Sprint gange.

Hallo Nina, du bisch bim Sprint gsi. Wie isch de Sprint für dich gsi?
Ja, isch guet gsi. Ich han d’Wiese schlimmer, aso ds Gfühl gha, dass sie schlimmer chönnt sii, will scho soviel grännt sind. Ja, s’isch super gsi.
Bisch zfriede mit dinere Leistig?
Ja, ja.
Was händer füre Note becho?
8.58

Und dänn chömmemer zum wichtigste Part. Hallo Petra, wie isch s’Fäst gsi am Abig?
Haha. Ich don mich ohni Awalt nöd üssere. Nei es isch guet gsi. S’isch wükli guet gsi. S’isch echli gross gsi, aber s’sisch super gsi. Sehr süffig…dörf meh das säge imne Bricht? Und s’isch mega guet gsi, isch s’Wetter so guet gsi und mir hend chöne verusse bliebe. S’heicho isch dänn halt chli müehsam gsi, will d’Büs sind echli voll gsi undso. Aber ähm, ich bin froh, simmer alli heil heicho.
Ja, ich au. Tiptop.

Sarina, was isch dis Highlight gsi vom Fäscht?
Haha. De Unterhoselauf. Lacht und schaut zu Léanne.

Hallo Linda, der Morgen danach. Wie häsch du de hütig Morge wahrgnoh? Was hämmer gmacht?
Guete Morgä. Oh du, mir sind ufgstande, händ zämäpackt und sind uf Renaud an Bahnhof go Gipfel und Kafi trinke.
Dänn?
Dänn hämmer de Zug gnoh und sind uf Lausanne und etz chillemer da, bismer chönd id Wartezone.
Für?
Zum heifahre.
Wie häsch s’Fäscht gester gfunde?
Schono glatt, schono glatt. Aber so es paar 1000 Mänsche weniger wäred schono schön. Lacht.

Alina, no abschlüssendi Wort zum ETF in Lausanne?
Isch toll gsi.

Guet denn gang ich etz no zude Karin go frage. Hallo Karin.
Hallo Liana.
Wie isch s’ETF für dich gsi?
Sehr streng, aber guet. Stabil. Lacht.
Abschlüssendi Wort?
Ahhh, han üch gern.
Zum ETF?
Aha, nei isch sehr guet gsi. Guete Gruppäzämähalt, gueti Stimmig…nei, s’hätt mer würkli pässlet. Isch kuuhl gsi.
Bisch z’friede mitem 44. Rang vo üs?
44 vo wieviel?
300irgendwas.
Ja, bini sehr zfriede, moll.
Guet, wänn Karin das seit, denn isches so. Danke, ade, merci.